【溫書心得】測驗考試周高效溫習攻略幼師媽媽分享4種形態溫習法Tips

育兒資訊

發布時間： 2023/01/13 11:15

最後更新： 2023/01/13 18:38

熱門林明禎超市大搜查破·地獄名校專區糖尿病靚媽精明眼藥物百科聖誕好去處北上攻略會員有獎

▲ 前幼師媽媽nana分享4個小朋友學習形態。

1月踏入考試週，家長即時變成伴讀書僮，對於仔女讀極都讀唔入腦，大感頭痛！有前幼師Nana媽媽就分享了讀書方法，育有9歲大仔及6細仔，她分享表示要幫助小朋友更有效率溫習，先要了解小朋友是何種形態。

最新影片推介:

她分享寫道考試週來了，家長開始緊張溫書，想同大家分享一下有關小朋友是那一個學習形態？(幫助小朋友更有效率溫習)
分別有以下4大形態:

1.Visual
2.Auditory
3.Reading
4.Kinesthetic

1.Visual視覺型學習

小朋友喜歡用眼睛洞察環境(觀察力敏銳)

他們偏好處理「視覺接收」的訊息，進而理解內容並記憶。

小建議：多用圖像、畫圖、思維圖或影片教學與富色彩的覺察力高，看過的畫面與場景，都印象深刻，有助於啟動右腦機制，將資訊轉化為長期記憶。小朋友通常喜歡看漫畫或電影，更勝於睇書，因為影像給他們的衝擊與印象更為深刻，記憶更好。所以，點解小朋友睇YouTube 學野會咁快，有趣外，視覺型小朋友更容易記憶。

2.Reading閱讀型學習

小朋友擅長解讀文字線索，如果有一張海報閱讀型學習者則會先注意到文字，透過文字可以最快理解訊息，也偏好透過閱讀來取得知識，愛看書，愛寫字，能夠以文字表達抽象的概念，轉化為大腦容易理解的訊息。

小建議:呢類型小朋友適合整理文字筆記來溫書，通常書寫進行思考，或利用書寫加強記憶。(書寫並非反覆抄寫，而是經過分析、統整、歸納資訊後，再將重點與結論整理成筆記)

Nana媽媽更用2個仔仔做例子，她表示大仔屬於聽覺型學習者，而細仔屬於動態型學習者。

3.聽覺型學習者

我先分享丫哥，細個做皮紋測試，他是聽覺型學習者(好準呢！完全係錄音機偷聽器)

佢哋偏好透過聲音的刺激來接受訊息，相較圖片或文字，更容易將注意力聚焦於聲音或旋律，若處於嘈雜的環境下，較容易焦躁或無法集中思緒。(有機會係高敏小朋友，情感豐富)

小分享: 我家哥哥在學習時，透過朗讀出聲，將需要背誦內容會透過唱歌(作歌詞)好快就記熟了。建議可以設計成口訣、故事有助於專注與記憶。默書方面，佢會自己錄音，自己默。佢也會將溫書內容自己拍片，演繹出嚟，自收看，大家一同欣賞。(即係將溫習內容整理後錄音再反覆播放，將文字內容轉化為聲音來學習) 我同佢一齊討論，互相提問也是適合聽覺型學習者的方式。(我家哥哥駁嘴辯論，真係冇得頂，媽媽強大EQ接招)

4.動態／觸覺型學習者

我家細佬B的觸覺型學習者。(媽媽要接納兩兄弟完全唔同學習形態，提醒自己唔好..比較，免勞氣)

細佬可否坐定定溫習？回應：我應該唔得。

在課堂上往往顯得靜不下來、容易分心，可能總是在變換坐姿。媽媽唔好懷疑佢是否ADHD，細佬今日告訴我「上堂太悶。我會玩下文具，畫下書，唔係幾時先小息。」我未見過佢坐定定10分鐘，pat pat坐唔定，唔係企，就蹲，唔係就走左去架啦！(媽媽要接納呢個係佢的本能特質，你就唔會咁嬲)。姿勢衰就衰咗小小，但佢哋轉數快又聰明，學習新知識也快。